Por GC Tendencias | Arbo | 27/04/2017 | Actualizada ás 13:47
Dende este venres e ata o domingo 30 de abril Arbo festexa as excelencias deste vampiro mariño, o seu produto máis coñecido a nivel internacional.
Aproveitando o evento terá lugar tamén Arbo Mostra 2017, feira agroindustrial e artesanal da bisbarra do Condado e Paradanta que chega á súa décimo terceira edición. Cita obrigada para mercar produtos alimentarios da zona e artesanía.
O xantar da Lamprea está programado para o sábado ás 15.00 h. Veciños e visitantes poderán gozar deste excelente manxar cociñado de diferentes maneiras e acompañada de viño da zona. En calquera caso, calquera dos establecementos hostaleiros da localidade ofrecen tamén a posibilidade de degustala.
E para amenizar os tres días de festa, destacar a Gala da Lamprea o venres 28 no Multiusos e xa pola noite o concerto do grupo A Roda na Praza do Mercado. Para sábado e domingo pasarúas de bandas de gaitas, bandas de música e charangas que actuarán polo recinto feiral. E como fin de festa, Eladio y Los Seres Queridos ofrecen un concerto o domingo pola noite tamén na Praza do Mercado.
No ano 2016 foi declarada Festa de Interese Turístico Nacional.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.