The Divine Comedy en Pontevedra

A formación irlandesa chega a Pontevedra con “Foreverland”, o seu último álbum que veu a luz despois de seis longos anos de espera.

Por GC Tendencias | Pontevedra | 18/04/2017

The Divine Comedy, banda británica liderada por Neil Hannon, confírmase como a primeira e atraínte proposta centrada nunha voz masculina do ciclo Voices cun concerto no pontevedrés Pazo da Cultura o venres 15 de setembro.

Tras seis longos anos de espera, un dos compositores máis singulares e aclamados do pop británico volve á carga con “Foreverland”, undécimo álbum de The Divine Comedy formado por 11 cancións ostentosamente melódicas, liricamente audaces e suntuosamente arranxadas que nos falan das relacións humanas cotiás. “Tal vez esta sexa a miña fase imperial" di Neil Hannon cando fala dun álbum que trata a vida ordinaria cun acompañamento musical extraordinario.

Neil Hannon é o fundador de The Divine Comedy, naceu en Derry (Irlanda do Norte, 1970) fillo dun bispo da Igrexa de Irlanda. “Posiblemente non é un típico fondo de estrelas pop”, recoñece. Acadou a fama pop improbable durante o auxe do Britpop dos anos 90, cunha mestura única de estilos musicais arcaicos, melodías cheas de gancho e letras audazmente inxeniosas.

The Divine Comedy lanzou dez discos entre 1990 con “Fanfare for Comic Muse” e 2010, “Bang Goes The Knighthood”. Non obstante, nos últimos seis anos Hannon decidiu explorar outras vías. “As miñas actividades extra-pop son válvulas de presión que me permiten deixar escapar o vapor musical”, afirma o artista. Escribiu as melodías dunha aclamada versión musical de “Swallows and Amazons”, puxo as palabras do dramaturgo alemán Frank Alva Buecheler á música na breve pero poderosa ópera de cámara “In May”, foi seleccionado polo Royal Festival Hall para escribir unha peza para o seu órgano recentemente reformado...

Agora, seis anos despois, The Divine Comedy regresa aos escenarios en formato completo, coa banda como soporte e con este novo traballo baixo o brazo, que se poderá desfrutar en Pontevedra o venres 15 de setembro.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



The Divine Comedy