O Consello das Mareas decidirá este domingo se decide decidir algo
Entre os puntos da orde do día estarán modificar a orde do día para decidir se se decide unha nova orde do día diferente da xa decidida.
Por Galicia Confidencial | Santiago de Compostela | 02/04/2017 | Actualizada ás 11:00
EnMarea segue dando pasos para constituírse nun partido político que se asente no territorio galego, máis non parece estar sendo doado desde o seu esencialismo participativo, preferentemente esgrimido polas candidatruas cidadanistas da Marea Atlántica e Ourense en Común.
Neste bucle decisorio se atopa agora mesmo o partido liderado por Luís Villares que terá que decidir o vindeiro domingo se decide decidir algo na xuntanza da súa dirección, ou se ben, tal e como sucedeu na pasada xuntanza no mes de febreiro decidir que non se decida nada.
Por outra banda tamén se atopa enriba da mesa se Villares será o voceiro da formación, ou se pola contra será preciso decidir se se decide decidir un voceiro distinto do voceiro que a simpatizancia de EnMarea decidiu ter no Parlamento de Galiza.
