Monforte acolle unha nova edición da Feira do Libro
Do 24 ao 27 de agosto a Rúa Cardeal achegará a cultura literaria aos monfortinos e visitantes da capital da Ribeira Sacra.
Por X.M. Fernández | Monforte | 25/08/2016 | Actualizada ás 12:39
A inauguración do evento foi este mércores 24 ás 19.00 h. coa presenza da concelleira de Cultura Marina Doutón e a banda de gaitas do Concello de Monforte. O escritor Antón Lopo foi o encargado de ler o discurso inaugural.
O programa deste ano resulta ben atractivo pois haberá actividades infantís de xoves a sábado, interesantes presentacións e sinaturas de autores coñecidos. A editorial Chan da Pólvora, proxecto recentemente presentado en Santiago de Compostela e coordinado polo monfortino Antón Lopo, participa en varias das presentacións
As casetas poden visitarse en horario de 12.00 a 14.00 h. pola mañá e de 18.00 a 22.00 h. en horario de tarde.
Todos os libros terán un desconto do 10% e cada día haberá un sorteo dun lote de libros e dunha estancia nun balneario.
