Todo listo para a final do Concurso Revenidas de Música Emerxente
A terceira edición do Concurso que apoia a novas bandas con letras en galego, aberto a todos os estilos musicais, contou con 17 bandas galegas. A final será a próxima fin de semana na Sala Malatesta de Santiago.
Por GC Tendencias | Santiago de Compostela | 22/05/2016 | Actualizada ás 15:57
O vindeiro sábado 28 de maio a sala Malatesta en Santiago de Compostela acollerá a resolución deste concurso, coa actuación das catro bandas finalistas. Será o momento de coñecer ás gañadoras.
Rap, ska, rock, pop, punk, folq… unha mestura de xéneros musicais e lugares de procedencia que teñen en común o uso da lingua galega nas letras das súas cancións.
Ata as 00.00 da madrugada do domingo, as persoas que o desexen poderán participar como membros do xurado. Tan só precisan votar a través da páxina do Facebook de Revenidas. Entre os participantes haberá regalos de entradas e camisolas do REV16.
Os gañadores estarán presentes os días 19, 20 e 21 de agosto en Vilaxoán durante o
festival Revenidas. “É a edición con máis talento e con maior dificuldade para escoller
gañadores”, afirman dende a organización do festival.
